chīḳh uThtā hai daf.atan kirdār

jab koī shaḳhs bad-gumāñ ho jaa.e

chiKH uThta hai dafatan kirdar

jab koi shaKHs bad-guman ho jae

biktā rahtā sar-e-bāzār ka.ī qistoñ meñ

shukr hai mere ḳhudā ne mujhe shohrat nahīñ dī

bikta rahta sar-e-bazar kai qiston mein

shukr hai mere KHuda ne mujhe shohrat nahin di

fāsle ye simaT nahīñ sakte

ab parāyoñ meñ kar shumār mujhe

fasle ye simaT nahin sakte

ab parayon mein kar shumar mujhe

bahut ba.iid na thā mas.aloñ kā hal honā

anā ke paañv se zanjīr ham haTā na sake

bahut baid na tha masalon ka hal hona

ana ke panw se zanjir hum haTa na sake

merī kam-goī pe jo tanz kiyā karte haiñ

merī kam-goī ke asbāb se nā-vāqif haiñ

meri kam-goi pe jo tanz kiya karte hain

meri kam-goi ke asbab se na-waqif hain