دنیا مرے پڑوس میں آباد ہے مگر

میری دعا سلام نہیں اس ذلیل سے

دل بیتاب کے ہم راہ سفر میں رہنا

ہم نے دیکھا ہی نہیں چین سے گھر میں رہنا

یہ ایک لمحے کی دوری بہت ہے میرے لیے

تمام عمر ترا انتظار کرنے کو

مشغول ہیں صفائی و توسیع دل میں ہم

تنگی نہ اس مکان میں ہو میہمان کو

یہ کیا چیز تعمیر کرنے چلے ہو

بنائے محبت کو ویران کر کے

خبر نہیں ہے مرے بادشاہ کو شاید

ہزار مرتبہ آزاد یہ غلام ہوا

عجب سفر تھا عجب تر مسافرت میری

زمیں شروع ہوئی اور میں تمام ہوا

سکھ کی خاطر دکھ مت بیچ

جال کے پیچھے جال نہ ڈال

ہمیشہ دل ہوس انتقام پر رکھا

خود اپنا نام بھی دشمن کے نام پر رکھا

اس کی آنکھوں کے وصف کیا لکھوں

جیسے خوابوں کا بیکراں ٹھہراؤ

دل سے باہر آج تک ہم نے قدم رکھا نہیں

دیکھنے میں ظاہرا لگتے ہیں سیلانی سے ہم

گھر اور بیاباں میں کوئی فرق نہیں ہے

لازم ہے مگر عشق کے آداب میں رہنا

تری دنیا میں اے دل ہم بھی اک گوشے میں رہتے ہیں

ہمیں بھی کچھ امیدیں ہیں تری عالم پناہی سے

ایک آنسو سے کمی آ جائے گی

غالباً دریاؤں کے اقبال میں

یہی دل جو اک بوند ہے بحر غم کی

ڈبو دے گا سب شہر طوفان کر کے

گہوارۂ سفر میں کھلی ہے ہماری آنکھ

تعمیر اپنے گھر کی ہوئی سنگ میل سے

طلوع ساعت شب خوں ہے اور میرا دل

کسی ستارۂ بد کی نگاہ میں آیا

آمادہ رکھیں چشم و دل سامان حیرانی کریں

کیا جانیے کس وقت وہ نظارہ فرمانی کریں