maiñ qasīda tirā likkhūñ to koī baat nahīñ

par koī dūsrā dohrā.e to shak kartā huuñ

main qasida tera likkhun to koi baat nahin

par koi dusra dohrae to shak karta hun

mujh ko ma.alūm hai mahbūb-parastī kā azaab

der se chāñd nikalnā bhī ġhalat lagtā hai

mujh ko malum hai mahbub-parasti ka azab

der se chand nikalna bhi ghalat lagta hai

na jaane kyā ḳharābī aa ga.ī hai mere lahje meñ

na jaane kyuuñ mirī āvāz bojhal hotī rahtī hai

na jaane kya KHarabi aa gai hai mere lahje mein

na jaane kyun meri aawaz bojhal hoti rahti hai

tumhāre vasl kā jis din koī imkān hotā hai

maiñ us din roza rakhtā huuñ burā.ī chhoḌ detā huuñ

tumhaare wasl ka jis din koi imkan hota hai

main us din roza rakhta hun burai chhoD deta hun

vo apne husn kī ḳhairāt dene vaale haiñ

tamām jism ko kaasa banā ke chalnā hai

wo apne husn ki KHairaat dene wale hain

tamam jism ko kasa bana ke chalna hai