ḳhudā-yā apne kun kī laaj rakh le

tirā shahkār zaa.e' ho rahā hai

KHuda-ya apne kun ki laj rakh le

tera shahkar zae' ho raha hai

mujhe charāġh bujhānā paḌā thā majbūran

tumhārā saayā nahīñ jā rahā thā kyā kartā

mujhe charagh bujhana paDa tha majburan

tumhaara saya nahin ja raha tha kya karta

javāb aa.e na aa.e shikan to aa.egī

savāl pūchh hī lenā agarche Darte hue

jawab aae na aae shikan to aaegi

sawal puchh hi lena agarche Darte hue

qum-be-iznil-ishq se dil zinda karegā

ye mujh se mohabbat ke masīhā ne kahā hai

qum-be-iznil-ishq se dil zinda karega

ye mujh se mohabbat ke masiha ne kaha hai

kaisī 'ajīb hai ye mohabbat kī zindagī

do pattharoñ meñ jaan paḌī aur mar ga.e

kaisi 'ajib hai ye mohabbat ki zindagi

do pattharon mein jaan paDi aur mar gae