kitne rishtoñ kā maiñ ne bharam rakh liyā

ik ta'alluq se dāman chhuḌāte hue

kitne rishton ka main ne bharam rakh liya

ek ta'alluq se daman chhuDate hue

ye kaisī fasāhat ki samajh meñ nahīñ aatī

tahrīr-e-mohabbat zarā āsān likhā kar

ye kaisi fasahat ki samajh mein nahin aati

tahrir-e-mohabbat zara aasan likha kar

kitne hī raaz sab par 'ayāñ ho ga.e

ik tirā rāz-e-ulfat chhupāte hue

kitne hi raaz sab par 'ayan ho gae

ek tera raaz-e-ulfat chhupate hue

dil lagāne ko saarā jahāñ thā magar

sochtā kaun hai dil lagāte hue

dil lagane ko sara jahan tha magar

sochta kaun hai dil lagate hue

maut bar-haq hai jab aa jaa.e hameñ kyā lekin

zindagī ham tirī raftār se Dar jaate haiñ

maut bar-haq hai jab aa jae hamein kya lekin

zindagi hum teri raftar se Dar jate hain