ham aa.e roz nayā ḳhvāb dekhte haiñ magar

ye log vo nahīñ jo ḳhvāb se bahal jaa.eñ

hum aae roz naya KHwab dekhte hain magar

ye log wo nahin jo KHwab se bahal jaen

jismoñ se nikal rahe haiñ saa.e

aur raushnī ko nigal rahe haiñ

jismon se nikal rahe hain sae

aur raushni ko nigal rahe hain

sunā gayā hai yahāñ shahr bas rahā thā koī

kahā gayā hai yahāñ par makān hote the

suna gaya hai yahan shahr bas raha tha koi

kaha gaya hai yahan par makan hote the

tumhāre hone kā shāyad surāġh paane lage

kanār-e-chashm ka.ī ḳhvāb sar uThāne lage

tumhaare hone ka shayad suragh pane lage

kanar-e-chashm kai KHwab sar uThane lage

yahīñ kahīñ pe koī shahr bas rahā thā abhī

talāsh kījiye is kā agar nishāñ koī hai

yahin kahin pe koi shahr bas raha tha abhi

talash kijiye is ka agar nishan koi hai