aam ke peḌoñ ke saare phal sunahre ho ga.e

is baras bhī rāsta kyuuñ ro rahā thā dekhte

aam ke peDon ke sare phal sunahre ho gae

is baras bhi rasta kyun ro raha tha dekhte

har ik nadī se kaḌī pyaas le ke vo guzrā

ye aur baat ki vo ḳhud bhī ek dariyā thā

har ek nadi se kaDi pyas le ke wo guzra

ye aur baat ki wo KHud bhi ek dariya tha

har phuul pe us shaḳhs ko patthar the chalāne

ashkoñ se har ik barg ko bharnā thā hameñ bhī

har phul pe us shaKHs ko patthar the chalane

ashkon se har ek barg ko bharna tha hamein bhi

jaan dene kā hunar har shaḳhs ko aatā nahīñ

sohnī ke haath meñ kachchā ghaḌā thā dekhte

jaan dene ka hunar har shaKHs ko aata nahin

sohni ke hath mein kachcha ghaDa tha dekhte

roz ham jaltī huī ret pe chalte hī na the

ham ne saa.e meñ khajūroñ ke bhī ārām kiyā

roz hum jalti hui ret pe chalte hi na the

hum ne sae mein khajuron ke bhi aaram kiya