ab ke ham ne bhī diyā tark-e-ta.alluq kā javāb

hoñT ḳhāmosh rahe aañkh ne bārish nahīñ kī

ab ke hum ne bhi diya tark-e-talluq ka jawab

honT KHamosh rahe aankh ne barish nahin ki

is aarzī duniyā meñ har baat adhūrī hai

har jiit hai lā-hāsil har maat adhūrī hai

is aarzi duniya mein har baat adhuri hai

har jit hai la-hasil har mat adhuri hai

kyā jāniye kyā soch ke afsurda huā dil

maiñ ne to koī baat purānī nahīñ likkhī

kya jaaniye kya soch ke afsurda hua dil

main ne to koi baat purani nahin likkhi

uḌ ga.e saare parinde mausamoñ kī chaah meñ

intizār un kā magar būḌhe shajar karte rahe

uD gae sare parinde mausamon ki chah mein

intizar un ka magar buDhe shajar karte rahe

vo jañg jis meñ muqābil rahe zamīr mirā

mujhe vo jiit bhī 'amabar' na hogī haar se kam

wo jang jis mein muqabil rahe zamir mera

mujhe wo jit bhi 'amabar' na hogi haar se kam