dekh ai merī zabūñ-hālī pe hañsne vaale

vaqt kī dhuup ne kis darja nikhārā mujh ko

dekh ai meri zabun-haali pe hansne wale

waqt ki dhup ne kis darja nikhaara mujh ko

kis kī tanvīr se jal uTThe basīrat ke charāġh

kis kī tasvīr ye āñkhoñ se lagā.ī ga.ī hai

kis ki tanwir se jal uTThe basirat ke charagh

kis ki taswir ye aankhon se lagai gai hai

supurd-e-āb yuuñ hī to nahīñ kartā huuñ ḳhaak apnī

ajab miTTī ke ghulne kā mazā bārish meñ rahtā hai

supurd-e-ab yun hi to nahin karta hun KHak apni

ajab miTTi ke ghulne ka maza barish mein rahta hai

vo ik lamha sazā kaaTī ga.ī thī jis kī ḳhātir

vo lamha to abhī ham ne guzāra hī nahīñ thā

wo ek lamha saza kaTi gai thi jis ki KHatir

wo lamha to abhi hum ne guzara hi nahin tha

zindagī tū bhī hameñ vaise hī ik roz guzār

jis tarah ham tujhe barsoñ se guzāre hue haiñ

zindagi tu bhi hamein waise hi ek roz guzar

jis tarah hum tujhe barson se guzare hue hain