aaj bhī naqsh haiñ dil par tirī aahaT ke nishāñ

ham ne us raah se auroñ ko guzarne na diyā

aaj bhi naqsh hain dil par teri aahaT ke nishan

hum ne us rah se auron ko guzarne na diya

zindagī kī haqīqat ajab ho ga.ī

aaj kal ho rahī hai basar ḳhvāb meñ

zindagi ki haqiqat ajab ho gai

aaj kal ho rahi hai basar KHwab mein

hosh-o-havās khone lagā huuñ firāq meñ

tanhā.iyoñ ne aisā muqaffal kiyā mujhe

hosh-o-hawas khone laga hun firaq mein

tanhaiyon ne aisa muqaffal kiya mujhe

yaad rakhnā bhī ik ibādat hai

kyuuñ na ham un kā hāfiza ho jaa.eñ

yaad rakhna bhi ek ibaadat hai

kyun na hum un ka hafiza ho jaen

ik lafz yaad thā mujhe tark-e-vafā magar

bhūlā huā huuñ Thokareñ khāne ke ba.ad bhī

ek lafz yaad tha mujhe tark-e-wafa magar

bhula hua hun Thokaren khane ke baad bhi