hamāre haath faqat ret ke sadaf aa.e

ki sāhiloñ pe sitāra koī rahā hī na thā

hamare hath faqat ret ke sadaf aae

ki sahilon pe sitara koi raha hi na tha

ham ko pahchān ki ai bazm-e-chaman-zār-e-vajūd

ham na hote to tujhe kis ne sañvārā hotā

hum ko pahchan ki ai bazm-e-chaman-zar-e-wajud

hum na hote to tujhe kis ne sanwara hota

kise kaheñ ki rifāqat kā daaġh hai dil par

bichhaḌne vaalā to khul kar kabhī milā hī na thā

kise kahen ki rifaqat ka dagh hai dil par

bichhaDne wala to khul kar kabhi mila hi na tha

rag-e-har-sāz ye kahtī hai ki ai naġhma-tarāz

mujh ko ik saltanat-e-saut-o-sadā chāhiye thī

rag-e-har-saz ye kahti hai ki ai naghma-taraaz

mujh ko ek saltanat-e-saut-o-sada chahiye thi

zarā sī baat pe kyā kyā fasāna-sāzī hai

maiñ ḳhud bhī chāhtā kab thā ki dāstāñ na bane

zara si baat pe kya kya fasana-sazi hai

main KHud bhi chahta kab tha ki dastan na bane