'mīr' 'ġhālib' yahīñ to rahte the

ham bhī dillī se dil lagā leñ kyā

'mir' 'ghaalib' yahin to rahte the

hum bhi dilli se dil laga len kya

bichhḌe the jis kī vaj.h se siitā se raam jī

maiñ us hiran ko rām-kahānī se khīñch luuñ

bichhDe the jis ki wajh se sita se ram ji

main us hiran ko ram-kahani se khinch lun

dard chehra pahan ke aayā thā

terā chehra thā so qubūl kiyā

dard chehra pahan ke aaya tha

tera chehra tha so qubul kiya

isī paanī meñ lāsheñ tairtī haiñ

isī paanī meñ patthar baiThte haiñ

isi pani mein lashen tairti hain

isi pani mein patthar baiThte hain

sab ko kāñToñ pe shak huā thā magar

zaḳhm ke ās-pās phuul mile

sab ko kanTon pe shak hua tha magar

zaKHm ke aas-pas phul mile