terī shartoñ pe hī karnā hai agar tujh ko qubūl

ye suhulat to mujhe saarā jahāñ detā hai

teri sharton pe hi karna hai agar tujh ko qubul

ye suhulat to mujhe sara jahan deta hai

daftar se mil nahīñ rahī chhuTTī vagarna maiñ

bārish kī ek buuñd na be-kār jaane duuñ

daftar se mil nahin rahi chhuTTi wagarna main

barish ki ek bund na be-kar jaane dun

jab tak māthā chuum ke ruḳhsat karne vaalī zinda thī

darvāze ke bāhar tak bhī muñh meñ luqma hotā thā

jab tak matha chum ke ruKHsat karne wali zinda thi

darwaze ke bahar tak bhi munh mein luqma hota tha

ye nahīñ dekhte kitnī hai riyāzat kis kī

log āsān samajh lete haiñ āsānī ko

ye nahin dekhte kitni hai riyazat kis ki

log aasan samajh lete hain aasani ko

dīvāreñ chhoTī hotī thiiñ lekin parda hotā thā

tāloñ kī ījād se pahle sirf bharosa hotā thā

diwaren chhoTi hoti thin lekin parda hota tha

talon ki ijad se pahle sirf bharosa hota tha