biich saḌak ik laash paḌī thī aur ye likkhā thā

bhuuk meñ zahrīlī roTī bhī mīThī lagtī hai

bich saDak ek lash paDi thi aur ye likkha tha

bhuk mein zahrili roTi bhi miThi lagti hai

chāñdī ke gharoñdoñ kī jab baat chalī hogī

miTTī ke khilaunoñ se bahlā.e ga.e hoñge

chandi ke gharondon ki jab baat chali hogi

miTTi ke khilaunon se bahlae gae honge

har ek lahza mirī dhaḌkanoñ meñ chubhtī thī

ajiib chiiz mire dil ke ās-pās rahī

har ek lahza meri dhaDkanon mein chubhti thi

ajib chiz mere dil ke aas-pas rahi

maiñ jab bhī koī achhūtā kalām likhtā huuñ

to pahle ek ġhazal tere naam likhtā huuñ

main jab bhi koi achhuta kalam likhta hun

to pahle ek ghazal tere nam likhta hun

vo mere qatl kā mulzim hai log kahte haiñ

vo chhuT sake to mujhe bhī gavāh likh liije

wo mere qatl ka mulzim hai log kahte hain

wo chhuT sake to mujhe bhi gawah likh lije

amrit ras kī biin par zahr ke naġhme gaao

marham se muskān ke zaḳhmoñ ko uksāo

amrit ras ki bin par zahr ke naghme gao

marham se muskan ke zaKHmon ko uksao

nashtar chāhe phuul se barf se māñge ḳhuun

dhuup khilā.e chāñd ko andhe kā qānūn

nashtar chahe phul se barf se mange KHun

dhup khilae chand ko andhe ka qanun

paise kī bauchhār meñ log rahe hamdard

biit ga.ī barsāt jab mausam ho gayā sard

paise ki bauchhaar mein log rahe hamdard

bit gai barsat jab mausam ho gaya sard

train chalī to chal paḌe khetoñ ke sab jhaaḌ

bhaag rahe haiñ saath hī jañgal aur pahāḌ

train chali to chal paDe kheton ke sab jhaD

bhag rahe hain sath hi jangal aur pahaD

tum bin chāñd na dekh sakā TuuT ga.ī ummīd

bin darpan bin nain ke kaise manā.eñ eid

tum bin chand na dekh saka TuT gai ummid

bin darpan bin nain ke kaise manaen eid