āḳhir nahīñ nahīñ meñ bhī ik haañ nikal ga.ī

jo baat dil meñ thī vahī aa.ī zabān par

aaKHir nahin nahin mein bhi ek han nikal gai

jo baat dil mein thi wahi aai zaban par

ik phuul taaza haath meñ le kar gulāb kā

andāza kar rahā huuñ guzishta shabāb kā

ek phul taza hath mein le kar gulab ka

andaza kar raha hun guzishta shabab ka

baa'd iizā ke bashar ko hotī hai rāhat nasīb

bādshāhī paa.ī thī yūsuf ne zindāñ dekh kar

ba'd iza ke bashar ko hoti hai rahat nasib

baadshahi pai thi yusuf ne zindan dekh kar

bujhā de pyaas jāñ-bāzoñ kī āb-e-teġh se qātil

sunā hai ajr miltā hai bahut paanī pilāne se

bujha de pyas jaan-bazon ki aab-e-tegh se qatil

suna hai ajr milta hai bahut pani pilane se

aa gayā rāh-e-majāzī se haqīqī kī taraf

baiTh kar but-ḳhāne meñ nūr-e-ḳhudā dekhā kiyā

aa gaya rah-e-majazi se haqiqi ki taraf

baiTh kar but-KHane mein nur-e-KHuda dekha kiya