ye bād-e-sabā ḳhushbū parindoñ kī sadā.eñ

har shai use khiḌkī pe bulāne ke liye hai

ye baad-e-saba KHushbu parindon ki sadaen

har shai use khiDki pe bulane ke liye hai

ḳhāmoshī jab bhī zaa.e' ho jaatī thī

sahrā meñ jā kar chillāyā karte the

KHamoshi jab bhi zae' ho jati thi

sahra mein ja kar chillaya karte the

farq koī nahīñ ḳhalvat meñ ki mahfil meñ rahūñ

dard se mujh ko judā.ī nahīñ detā kuchh bhī

farq koi nahin KHalwat mein ki mahfil mein rahun

dard se mujh ko judai nahin deta kuchh bhi

is qadar āñkhoñ pe qābiz hai vo jaanā us kā

is taraf aatā dikhā.ī nahīñ detā kuchh bhī

is qadar aankhon pe qabiz hai wo jaana us ka

is taraf aata dikhai nahin deta kuchh bhi

ham mil kar sailāb banāte the pahle

phir ham donoñ naav banāyā karte the

hum mil kar sailab banate the pahle

phir hum donon naw banaya karte the