tū nayā hai to dikhā sub.h na.ī shaam na.ī

varna in āñkhoñ ne dekhe haiñ na.e saal ka.ī

tu naya hai to dikha subh nai sham nai

warna in aankhon ne dekhe hain nae sal kai

aql gum hai dil pareshāñ hai nazar betāb hai

justujū se bhī nahīñ miltā surāġh-e-zindagī

aql gum hai dil pareshan hai nazar betab hai

justuju se bhi nahin milta suragh-e-zindagi

ġharībī kis balā kā naam hai un kī balā jaane

ḳhudā hai jin kī daulat jin kā sheva zar-parastī hai

gharibi kis bala ka nam hai un ki bala jaane

KHuda hai jin ki daulat jin ka shewa zar-parasti hai