guftugū kisī se ho terā dhyān rahtā hai

TuuT TuuT jaatā hai silsila takallum kā

guftugu kisi se ho tera dhyan rahta hai

TuT TuT jata hai silsila takallum ka

hameñ bhī apnī tabāhī pe rañj hotā hai

hamāre hāl-e-pareshāñ pe muskurāo nahīñ

hamein bhi apni tabahi pe ranj hota hai

hamare haal-e-pareshan pe muskurao nahin

kitnī rangīniyoñ meñ terī yaad

kis qadar sādgī se aatī hai

kitni ranginiyon mein teri yaad

kis qadar sadgi se aati hai

tarab kā rañg mohabbat kī lau nahīñ detā

tarab ke rañg meñ kuchh dard bhī samo leñ aaj

tarab ka rang mohabbat ki lau nahin deta

tarab ke rang mein kuchh dard bhi samo len aaj

baat ko samajh lenā 'aam baat hai lekin

baat kī nazākat ko log kam samajhte haiñ

baat ko samajh lena 'am baat hai lekin

baat ki nazakat ko log kam samajhte hain