نہیں ہوتی ہے راہ عشق میں آسان منزل

سفر میں بھی تو صدیوں کی مسافت چاہئے ہے

ترا دیدار ہو آنکھیں کسی بھی سمت دیکھیں

سو ہر چہرے میں اب تیری شباہت چاہئے ہے

ملنا ہے اگر خود سے تو پھر دیر نہ کرنا

کھو جانے کا ڈر ہوتا ہے تاخیر میں لکھ دے

میرا ہر خواب تو بس خواب ہی جیسا نکلا

کیا کسی خواب کی تعبیر بھی ہو سکتی ہے

ڈھونڈیں گے ہر اک چیز میں جینے کی امنگیں

دل کی کسی خواہش کو بھی ماریں گے نہیں ہم

یہ کیوں کہتے ہو راہ عشق پر چلنا ہے ہم کو

کہو کہ زندگی سے اب فراغت چاہئے ہے

دل ایسا مکاں ہے جو اگر ٹوٹ گیا تو

لگ جائیں گی صدیاں نئی تعمیر میں لکھ دے