duniyā ke bhare bāzāroñ meñ yuuñ suntā huuñ apnā afsāna

jaise ki ye merā zikr nahīñ jaise ki ye merā naam nahīñ

duniya ke bhare bazaron mein yun sunta hun apna afsana

jaise ki ye mera zikr nahin jaise ki ye mera nam nahin

nazroñ meñ tasādum dil meñ chubhan ik sham.a hai ik parvāna hai

donoñ hī meñ bāteñ hotī haiñ āvāz kā lekin naam nahīñ

nazron mein tasadum dil mein chubhan ek shama hai ek parwana hai

donon hi mein baaten hoti hain aawaz ka lekin nam nahin

āñkhoñ ke gulābī Doroñ meñ ik kaif sā paayā jaatā hai

mai-ḳhvār-e-mohabbat hosh meñ aa saaqī kī nazar hai jaam nahīñ

aankhon ke gulabi Doron mein ek kaif sa paya jata hai

mai-KHwar-e-mohabbat hosh mein aa saqi ki nazar hai jam nahin