aah! kal tak vo navāzish! aaj itnī be-ruḳhī

kuchh to nisbat chāhiye anjām ko āġhāz se

aah! kal tak wo nawazish! aaj itni be-ruKHi

kuchh to nisbat chahiye anjam ko aaghaz se

dard ulfat kā na ho to zindagī kā kyā mazā

āh-o-zārī zindagī hai be-qarārī zindagī

dard ulfat ka na ho to zindagi ka kya maza

aah-o-zari zindagi hai be-qarari zindagi

kahte haiñ eid hai aaj apnī bhī eid hotī

ham ko agar mayassar jānāñ kī diid hotī

kahte hain eid hai aaj apni bhi eid hoti

hum ko agar mayassar jaanan ki did hoti

mahv-e-dīd-e-chaman-e-shauq hai phir dīda-e-shauq

gul-e-shādāb vahī bulbul-e-shaidā hai vahī

mahw-e-did-e-chaman-e-shauq hai phir dida-e-shauq

gul-e-shadab wahi bulbul-e-shaida hai wahi

naaz ne phir kiyā āġhāz vo andāz-e-niyāz

husn-e-jāñ-soz ko phir soz kā da.avā hai vahī

naz ne phir kiya aaghaz wo andaz-e-niyaz

husn-e-jaan-soz ko phir soz ka dawa hai wahi