chashm-e-sayyād pe har lahza nazar rakhtā hai

haa.e vo said jo kahne ko tah-e-dām nahīñ

chashm-e-sayyaad pe har lahza nazar rakhta hai

hae wo said jo kahne ko tah-e-dam nahin

ik fasl-e-gul ko le ke tahī-dast kyā kareñ

aa.ī hai fasl-e-gul to garebāñ bhī chāhiye

ek fasl-e-gul ko le ke tahi-dast kya karen

aai hai fasl-e-gul to gareban bhi chahiye

hai naved-e-bahār har lab par

kam-nasīboñ ko e'tibār nahīñ

hai nawed-e-bahaar har lab par

kam-nasibon ko e'tibar nahin

mujh ko ehsās-e-rañg-o-bū na huā

yuuñ bhī aksar bahār aa.ī hai

mujh ko ehsas-e-rang-o-bu na hua

yun bhi aksar bahaar aai hai

vo bhalā kaise batā.e ki ġham-e-hijr hai kyā

jis ko āġhosh-e-mohabbat kabhī hāsil na huā

wo bhala kaise batae ki gham-e-hijr hai kya

jis ko aaghosh-e-mohabbat kabhi hasil na hua