suḳhan ke saare salīqe zabāñ meñ rakhtā hai

nahīñ kā aks nihāñ apnī haañ meñ rakkhā hai

suKHan ke sare saliqe zaban mein rakhta hai

nahin ka aks nihan apni han mein rakkha hai

vo degrē kī bajā.e mam le kar lauT aayā hai

milā thā dāḳhila jis ko samundar-pār college meñ

wo degree ki bajae mam le kar lauT aaya hai

mila tha daKHila jis ko samundar-par college mein

lekin kalām kījiye mujh se adab ke saath

naukar huuñ koī aap kā shauhar nahīñ huuñ maiñ

lekin kalam kijiye mujh se adab ke sath

naukar hun koi aap ka shauhar nahin hun main

tamām umr gañvā dī jise bhulāne meñ

vo nisf maazī kā qissa thā nisf haal kā thā

tamam umr ganwa di jise bhulane mein

wo nisf mazi ka qissa tha nisf haal ka tha

mirā matlab mahīne tak nahāne kī na ho fursat

to phir hafte ke hafte haath muñh dhonā zarūrī hai

mera matlab mahine tak nahane ki na ho fursat

to phir hafte ke hafte hath munh dhona zaruri hai