afsos mābadoñ meñ ḳhudā bechte haiñ log

ab ma.anī-e-sazā-o-jazā kuchh nahīñ rahā

afsos mabadon mein KHuda bechte hain log

ab mani-e-saza-o-jaza kuchh nahin raha

aTe hue haiñ faqīroñ ke pairahan 'kaifī'

jahāñ ne bhiik meñ miTTī bikher kar dī hai

aTe hue hain faqiron ke pairahan 'kaifi'

jahan ne bhik mein miTTi bikher kar di hai

ġhazal ke rañg meñ malbūs ho kar

rubāb-e-dard se āhañg niklā

ghazal ke rang mein malbus ho kar

rubab-e-dard se aahang nikla

guhar samjhā thā lekin sañg niklā

kisī kā zarf kitnā tañg niklā

guhar samjha tha lekin sang nikla

kisi ka zarf kitna tang nikla

mohabbatoñ ko bhī us ne ḳhatā qarār diyā

magar ye jurm hameñ baar baar karnā hai

mohabbaton ko bhi us ne KHata qarar diya

magar ye jurm hamein bar bar karna hai