kis ko dekhūñ maiñ kis se baat karūñ

kitne chehre haiñ ek chehre pe

kis ko dekhun main kis se baat karun

kitne chehre hain ek chehre pe

nā-kām hasratoñ kā karūñ kis se tazkira

jis ko bhī dekhtā huuñ vo hai mubtalā-e-ġham

na-kaam hasraton ka karun kis se tazkira

jis ko bhi dekhta hun wo hai mubtala-e-gham

apne thak jaane kā ehsās dilā.ūñ kaise

mere ghar vāloñ kī mujh se haiñ umīdeñ zinda

apne thak jaane ka ehsas dilaun kaise

mere ghar walon ki mujh se hain umiden zinda

rashk maazī par kareñ ham kyā hai ye kaafī hameñ

kyuuñ nazar aatī nahīñ apnī koī ḳhāmī hameñ

rashk mazi par karen hum kya hai ye kafi hamein

kyun nazar aati nahin apni koi KHami hamein

kyūñkar hamāre dukh kā mudāvā nahīñ huā

tafsīl us kī sab ko batā kar bhī kyā kareñ

kyunkar hamare dukh ka mudawa nahin hua

tafsil us ki sab ko bata kar bhi kya karen