ġhairoñ kī shikasta hālat par hañsnā to hamārā sheva thā

lekin hue ham āzurda bahut jab apne ghar kī baat chalī

ghairon ki shikasta haalat par hansna to hamara shewa tha

lekin hue hum aazurda bahut jab apne ghar ki baat chali

dekhā nahīñ vo chāñd sā chehrā ka.ī din se

tārīk nazar aatī hai duniyā ka.ī din se

dekha nahin wo chand sa chehra kai din se

tarik nazar aati hai duniya kai din se

ġham de gayā nashāt-e-shanāsā.ī le gayā

vo apne saath apnī masīhā.ī le gayā

gham de gaya nashat-e-shanasai le gaya

wo apne sath apni masihai le gaya

tirī talāsh meñ nikle to itnī duur ga.e

ki ham se tai na hue fāsle judā.ī ke

teri talash mein nikle to itni dur gae

ki hum se tai na hue fasle judai ke

vo sādgī meñ bhī hai ajab dilkashī liye

is vāste ham us kī tamannā meñ jī liye

wo sadgi mein bhi hai ajab dilkashi liye

is waste hum us ki tamanna mein ji liye