ye khule khule se gesū inheñ laakh tū sañvāre

mire haath se sañvarte to kuchh aur baat hotī

ye khule khule se gesu inhen lakh tu sanware

mere hath se sanwarte to kuchh aur baat hoti

sirf darvāze talak jā ke hī lauT aayā huuñ

aisā lagtā hai ki sadiyoñ kā safar kar aayā

sirf darwaze talak ja ke hi lauT aaya hun

aisa lagta hai ki sadiyon ka safar kar aaya

ḳhud hī uchhālūñ patthar ḳhud hī sar par le luuñ

jab chāhūñ suune mausam se manzar le luuñ

KHud hi uchhaalun patthar KHud hi sar par le lun

jab chahun sune mausam se manzar le lun

mere raste meñ jo raunaq thī mere fan kī thī

mere ghar meñ jo añdherā thā merā apnā thā

mere raste mein jo raunaq thi mere fan ki thi

mere ghar mein jo andhera tha mera apna tha

tū ik qadam bhī jo merī taraf baḌhā detā

maiñ manzileñ tirī dahlīz se milā detā

tu ek qadam bhi jo meri taraf baDha deta

main manzilen teri dahliz se mila deta