ākāsh kī hasīn fazāoñ meñ kho gayā

maiñ is qadar uḌā ki ḳhalāoñ meñ kho gayā

aakash ki hasin fazaon mein kho gaya

main is qadar uDa ki KHalaon mein kho gaya

aap dāman ko sitāroñ se sajā.e rakhiye

merī qismat meñ to patthar ke sivā kuchh bhī nahīñ

aap daman ko sitaron se sajae rakhiye

meri qismat mein to patthar ke siwa kuchh bhi nahin

is qadar maiñ ne sulagte hue ghar dekhe haiñ

ab to chubhne lage āñkhoñ meñ ujāle mujh ko

is qadar main ne sulagte hue ghar dekhe hain

ab to chubhne lage aankhon mein ujale mujh ko

log bhopal kī tārīf kiyā karte haiñ

is nagar meñ to tire ghar ke sivā kuchh bhī nahīñ

log bhopal ki tarif kiya karte hain

is nagar mein to tere ghar ke siwa kuchh bhi nahin

ta.alluq hai na ab tark-e-ta.alluq

ḳhudā jaane ye kaisī dushmanī hai

talluq hai na ab tark-e-talluq

KHuda jaane ye kaisi dushmani hai