terī sūrat ko liye āñkhoñ meñ ab so jā.eñge

zindagī ko yuuñ taḌaptā 'umr bhar dekhegā kaun

teri surat ko liye aankhon mein ab so jaenge

zindagi ko yun taDapta 'umr bhar dekhega kaun

band kamre meñ mujhe qaid kiyā hai kis ne

maiñ huuñ ik chīḳh fazāoñ meñ bikharne do mujhe

band kamre mein mujhe qaid kiya hai kis ne

main hun ek chiKH fazaon mein bikharne do mujhe

añdhere meñ añdherā ban ke aayā bhī to kyā hāsil

koī jugnū banā hotā koī taara banā hotā

andhere mein andhera ban ke aaya bhi to kya hasil

koi jugnu bana hota koi tara bana hota

chāñd niklā phir gagan kī oT se

dil meñ sulgā jaane an-jānoñ kā ġham

chand nikla phir gagan ki oT se

dil mein sulga jaane an-jaanon ka gham

sham' tanhā aur parvānoñ kā ġham

zindagī bhar kitne afsānoñ kā ġham

sham' tanha aur parwanon ka gham

zindagi bhar kitne afsanon ka gham