donoñ jahān kī na rahī phir ḳhabar use

do pyāle terī āñkhoñ ne jis ko pilā diye

donon jahan ki na rahi phir KHabar use

do pyale teri aankhon ne jis ko pila diye

ek īmān hai bisāt apnī

na ibādat na kuchh riyāzat hai

ek iman hai bisat apni

na ibaadat na kuchh riyazat hai

ho gayā mehmāñ-sarā-e-kasrat-e-mauhūm aah

vo dil-e-ḳhālī ki terā ḳhaas ḳhalvat-ḳhāna thā

ho gaya mehman-sara-e-kasrat-e-mauhum aah

wo dil-e-KHali ki tera KHas KHalwat-KHana tha

kahte na the ham 'dard' miyāñ chhoḌo ye bāteñ

paa.ī na sazā aur vafā kījiye us se

kahte na the hum 'dard' miyan chhoDo ye baaten

pai na saza aur wafa kijiye us se

sāqiyā! yaañ lag rahā hai chal-chalāv

jab talak bas chal sake sāġhar chale

saqiya! yan lag raha hai chal-chalaw

jab talak bas chal sake saghar chale