vaqt kī gardishoñ kā ġham na karo

hausle mushkiloñ meñ palte haiñ

waqt ki gardishon ka gham na karo

hausle mushkilon mein palte hain

dekh lenā ek din be-roz-gārī kā azaab

chhīn kar chehroñ kī saarī dilkashī le jā.egā

dekh lena ek din be-roz-gari ka azab

chhin kar chehron ki sari dilkashi le jaega

mat baiTh āshiyāñ meñ paroñ ko sameT kar

kar hausla kushāda fazā meñ uḌaan kā

mat baiTh aashiyan mein paron ko sameT kar

kar hausla kushada faza mein uDan ka

havā ke rahm-o-karam par huuñ be-Thikāna huuñ

shajar se TuuTā huā ek zard pattā huuñ

hawa ke rahm-o-karam par hun be-Thikana hun

shajar se TuTa hua ek zard patta hun

vo mirī āvāragardī vo mirā dīvāna-pan

vo mirī ta.azīm meñ dīvār-o-dar kā jāgnā

wo meri aawaragardi wo mera diwana-pan

wo meri tazim mein diwar-o-dar ka jagna