balā.eñ le rahā huuñ is zamīñ ke zarre zarre kī

luTā thā jis jagah rāh-e-vafā meñ kārvāñ merā

balaen le raha hun is zamin ke zarre zarre ki

luTa tha jis jagah rah-e-wafa mein karwan mera

shikva-e-hijr-e-yār kaun kare

husn ko sharmsār kaun kare

shikwa-e-hijr-e-yar kaun kare

husn ko sharmsar kaun kare

baḌhtā jaatā hai tūl-e-gesū-e-yār

ghaTtī jaatī hai zindagī dil kī

baDhta jata hai tul-e-gesu-e-yar

ghaTti jati hai zindagi dil ki

de ke sāġhar mujhe kis lutf se saaqī ne kahā

dekhte jaao abhī ham tumheñ kyā dete haiñ

de ke saghar mujhe kis lutf se saqi ne kaha

dekhte jao abhi hum tumhein kya dete hain

mast haiñ nashsha-e-javānī se

kyā ḳhabar aap ko kisī dil kī

mast hain nashsha-e-jawani se

kya KHabar aap ko kisi dil ki