ka.abe chaltā huuñ par itnā to batā

mai-kada koī hai zāhid raah meñ

kabe chalta hun par itna to bata

mai-kada koi hai zahid rah mein

maġhfirat kī nazar aatī hai bas itnī sūrat

ham gunāhoñ se pashemān rahā karte haiñ

maghfirat ki nazar aati hai bas itni surat

hum gunahon se pasheman raha karte hain

nazzāra-e-qātil ne kiyā mahv ye ham ko

gardan pe chamaktī huī shamshīr na sūjhī

nazzara-e-qatil ne kiya mahw ye hum ko

gardan pe chamakti hui shamshir na sujhi

raunaq gulshan jo vo riñd-e-sharābī ho gayā

phuul sāġhar ban gayā ġhuncha gulābī ho gayā

raunaq gulshan jo wo rind-e-sharabi ho gaya

phul saghar ban gaya ghuncha gulabi ho gaya

vaah kyā is gul-badan kā shoḳh hai rañg-e-badan

jāma-e-ābī agar pahnā gulābī ho gayā

wah kya is gul-badan ka shoKH hai rang-e-badan

jama-e-abi agar pahna gulabi ho gaya