vo kyā rukegā bhalā chaar buuñd kī ḳhātir

jo aa rahā ho samundar ko maar kar Thokar

wo kya rukega bhala chaar bund ki KHatir

jo aa raha ho samundar ko mar kar Thokar

mushkil koī aan paḌī to ghabrāne se kyā hogā

jiine kī tarkīb nikālo mar jaane se kyā hogā

mushkil koi aan paDi to ghabrane se kya hoga

jine ki tarkib nikalo mar jaane se kya hoga

sabab talāsh karo apne haar jaane kā

kisī kī jiit pe rone se kuchh nahīñ hogā

sabab talash karo apne haar jaane ka

kisi ki jit pe rone se kuchh nahin hoga

ye nā-qadrī hamārī is liye hai

tirā hone meñ jaldī kar ga.e ham

ye na-qadri hamari is liye hai

tera hone mein jaldi kar gae hum

na ḳhushbuoñ se mohabbat na 'ishq rangoñ se

ye kis ke haath meñ gulshan thamā diyā tum ne

na KHushbuon se mohabbat na 'ishq rangon se

ye kis ke hath mein gulshan thama diya tum ne