bikhre hue ḳhvāboñ kī vo tasvīr hai shāyad

ab ye bhī nahīñ yaad kahāñ us se milā thā

bikhre hue KHwabon ki wo taswir hai shayad

ab ye bhi nahin yaad kahan us se mila tha

shab-e-firāq kī tanhā.iyoñ meñ terā ḳhayāl

mire vajūd se kartā rahā judā mujh ko

shab-e-firaq ki tanhaiyon mein tera KHayal

mere wajud se karta raha juda mujh ko

ḳhauf-o-dahshat se lab nahīñ khulte

varna qātil mirī nigāh meñ hai

KHauf-o-dahshat se lab nahin khulte

warna qatil meri nigah mein hai

jab bhī lauTā gaañv ke bāzār se

mujh ko sab bachchoñ ne dekhā pyaar se

jab bhi lauTa ganw ke bazar se

mujh ko sab bachchon ne dekha pyar se

ehsās-e-tīrgī thā use raushnī ke ba.ad

is ḳhauf se charāġh kī lau kāñptī rahī

ehsas-e-tirgi tha use raushni ke baad

is KHauf se charagh ki lau kanpti rahi