bichhaḌ ke tujh se mujhe hai umiid milne kī

sunā hai ruuh ko aanā hai phir badan kī taraf

bichhaD ke tujh se mujhe hai umid milne ki

suna hai ruh ko aana hai phir badan ki taraf

uḌaa.ī ḳhaak jis sahrā meñ tere vāste maiñ ne

thakā-māñda milā in manziloñ meñ āsmāñ mujh ko

uDai KHak jis sahra mein tere waste main ne

thaka-manda mila in manzilon mein aasman mujh ko

banāyā toḌ ke ā.īna ā.īna-ḳhāna

na dekhī raah jo ḳhalvat se anjuman kī taraf

banaya toD ke aaina aaina-KHana

na dekhi rah jo KHalwat se anjuman ki taraf

nashshe meñ sūjhtī hai mujhe duur duur kī

naddī vo sāmne hai sharāb-e-tuhūr kī

nashshe mein sujhti hai mujhe dur dur ki

naddi wo samne hai sharab-e-tuhur ki

jo ahl-e-dil haiñ alag haiñ vo ahl-e-zāhir se

na maiñ huuñ shaiḳh kī jānib na barhaman kī taraf

jo ahl-e-dil hain alag hain wo ahl-e-zahir se

na main hun shaiKH ki jaanib na barhaman ki taraf