yaqīnan rahbar-e-manzil kahīñ par rāstā bhūlā

vagarna qāfile ke qāfile gum ho nahīñ sakte

yaqinan rahbar-e-manzil kahin par rasta bhula

wagarna qafile ke qafile gum ho nahin sakte

aa dost saath aa dar-e-māzī se maañg laa.eñ

vo apnī zindagī ki javāñ bhī hasīñ bhī thī

aa dost sath aa dar-e-mazi se mang laen

wo apni zindagi ki jawan bhi hasin bhi thi

dil meñ kyā kyā gumāñ guzarte haiñ

muskurāo na baat se pahle

dil mein kya kya guman guzarte hain

muskurao na baat se pahle

kitne pur-haul añdheroñ se guzar kar ai dost

ham tire husn kī raḳhshanda sahar tak pahuñche

kitne pur-haul andheron se guzar kar ai dost

hum tere husn ki raKHshanda sahar tak pahunche

ye bhī huā ki dar na tirā kar sake talāsh

ye bhī huā ki ham tire dar se guzar ga.e

ye bhi hua ki dar na tera kar sake talash

ye bhi hua ki hum tere dar se guzar gae