tujh se ab aur mohabbat nahīñ kī jā saktī

ḳhud ko itnī bhī aziyyat nahīñ dī jā saktī

tujh se ab aur mohabbat nahin ki ja sakti

KHud ko itni bhi aziyyat nahin di ja sakti

maiñ faisle kī ghaḌī se guzar chukī huuñ magar

kisī kā dīda-e-hairāñ mirī talāsh meñ hai

main faisle ki ghaDi se guzar chuki hun magar

kisi ka dida-e-hairan meri talash mein hai

us shahr meñ kitne chehre the kuchh yaad nahīñ sab bhuul ga.e

ik shaḳhs kitāboñ jaisā thā vo shaḳhs zabānī yaad huā

us shahr mein kitne chehre the kuchh yaad nahin sab bhul gae

ek shaKHs kitabon jaisa tha wo shaKHs zabani yaad hua

kuchh nahīñ chāhiye tujh se ai mirī umr-e-ravāñ

mirā bachpan mire jugnū mirī guḌiyā lā de

kuchh nahin chahiye tujh se ai meri umr-e-rawan

mera bachpan mere jugnu meri guDiya la de

jalā.e rakkhūñgī sub.h tak maiñ tumhāre rastoñ meñ apnī āñkheñ

magar kahīñ zabt TuuT jaa.e to bārisheñ bhī shumār karnā

jalae rakkhungi subh tak main tumhaare raston mein apni aankhen

magar kahin zabt TuT jae to barishen bhi shumar karna