zindagī kashmakash-e-vaqt meñ guzrī apnī

din ne jiine na diyā raat ne marne na diyā

zindagi kashmakash-e-waqt mein guzri apni

din ne jine na diya raat ne marne na diya

ab kahāñ vo pahlī sī fursateñ mayassar haiñ

saarā din safar karnā saarī raat ġham karnā

ab kahan wo pahli si fursaten mayassar hain

sara din safar karna sari raat gham karna

ham os ke qatre haiñ ki bikhre hue motī

dhokā nazar aa.e to hameñ rol ke dekho

hum os ke qatre hain ki bikhre hue moti

dhoka nazar aae to hamein rol ke dekho

tire intizār meñ is tarah mirā ahad-e-shauq guzar gayā

sar-e-shām jaise bisāt-e-dil koī ḳhasta-hāl sameT le

tere intizar mein is tarah mera ahad-e-shauq guzar gaya

sar-e-sham jaise bisat-e-dil koi KHasta-haal sameT le

aañsū jo baheñ surḳh to ho jaatī haiñ āñkheñ

dil aisā sulagtā hai dhuāñ tak nahīñ aatā

aansu jo bahen surKH to ho jati hain aankhen

dil aisa sulagta hai dhuan tak nahin aata