mujh se qafas kā darvāza kyā TūTegā

paañv paḌī zanjīr meñ khoī rahtī huuñ

mujh se qafas ka darwaza kya TuTega

panw paDi zanjir mein khoi rahti hun

pahle to tasvīr banātī huuñ terī

phir terī tasvīr meñ khoī rahtī huuñ

pahle to taswir banati hun teri

phir teri taswir mein khoi rahti hun

ai kūza-gar de shakl mujhe ik charāġh kī

jis se kisī dayār ko raushan maiñ kar sakūñ

ai kuza-gar de shakl mujhe ek charagh ki

jis se kisi dayar ko raushan main kar sakun

jism thak haar ke so jaatā hai har shab lekin

zehn ke vāste bistar nahīñ hotā koī

jism thak haar ke so jata hai har shab lekin

zehn ke waste bistar nahin hota koi

mirī hathelī pe jo hijr kī lakīreñ haiñ

tire visāl se har vaqt roktī haiñ mujhe

meri hatheli pe jo hijr ki lakiren hain

tere visal se har waqt rokti hain mujhe