jis din se harām ho ga.ī hai

mai ḳhuld-maqām ho ga.ī hai

jis din se haram ho gai hai

mai KHuld-maqam ho gai hai

kyā mazā detī hai bijlī kī chamak mujh ko 'riyāz'

mujh se lipTe haiñ mire naam se Darne vaale

kya maza deti hai bijli ki chamak mujh ko 'riyaz'

mujh se lipTe hain mere nam se Darne wale

mar gayā huuñ pe ta.alluq hai ye mai-ḳhāne se

mere hisse kī chhalak jaatī hai paimāne se

mar gaya hun pe talluq hai ye mai-KHane se

mere hisse ki chhalak jati hai paimane se

merī saj-dhaj to koī ishq-e-butāñ meñ dekhe

saath qashqe ke hai zunnār-e-barahman kaisā

meri saj-dhaj to koi ishq-e-butan mein dekhe

sath qashqe ke hai zunnar-e-barahman kaisa

shoḳhī se har shagūfe ke TukḌe uḌā diye

jis ġhunche par nigāh paḌī dil banā diyā

shoKHi se har shagufe ke TukDe uDa diye

jis ghunche par nigah paDi dil bana diya