baḌā ghāTe kā saudā hai 'sadā' ye saañs lenā bhī

baḌhe hai umr jyūñ-jyūñ zindagī kam hotī jaatī hai

baDa ghaTe ka sauda hai 'sada' ye sans lena bhi

baDhe hai umr jyun-jyun zindagi kam hoti jati hai

vaqt har zaḳhm kā marham to nahīñ ban saktā

dard kuchh hote haiñ tā-umr rulāne vaale

waqt har zaKHm ka marham to nahin ban sakta

dard kuchh hote hain ta-umr rulane wale

apnī urdu to mohabbat kī zabāñ thī pyāre

uff siyāsat ne use joḌ diyā maz.hab se

apni urdu to mohabbat ki zaban thi pyare

uff siyasat ne use joD diya mazhab se

bujh ga.ī sham.a kī lau tere dupaTTe se to kyā

apnī muskān se mahfil ko munavvar kar de

bujh gai shama ki lau tere dupaTTe se to kya

apni muskan se mahfil ko munawwar kar de

ab kahāñ dost mileñ saath nibhāne vaale

sab ne sīkhe haiñ ab ādāb zamāne vaale

ab kahan dost milen sath nibhane wale

sab ne sikhe hain ab aadab zamane wale