barūn-e-ḳhāk faqat chand Thekre haiñ magar

yahāñ se shahr mileñge agar khudā.ī huī

barun-e-KHak faqat chand Thekre hain magar

yahan se shahr milenge agar khudai hui

ḳhvāhish hai ki ḳhud ko bhī kabhī duur se dekhūñ

manzar kā nazāra karūñ manzar se nikal kar

KHwahish hai ki KHud ko bhi kabhi dur se dekhun

manzar ka nazara karun manzar se nikal kar

samajh liyā thā tujhe dost ham ne dhoke meñ

so aaj se tujhe bār-e-digar samajhte haiñ

samajh liya tha tujhe dost hum ne dhoke mein

so aaj se tujhe bar-e-digar samajhte hain

sūraj ke ufuq hote haiñ manzil nahīñ hotī

so Dhaltā rahā jaltā rahā chaltā rahā maiñ

suraj ke ufuq hote hain manzil nahin hoti

so Dhalta raha jalta raha chalta raha main

ye to duniyā bhī nahīñ hai ki kinārā kar le

tū kahāñ jā.egā ai dil ke satā.e hue shaḳhs

ye to duniya bhi nahin hai ki kinara kar le

tu kahan jaega ai dil ke satae hue shaKHs