nāsehā pūchhte phirte haiñ sabab uljhan kā

'ishq gar ḳhud ye kareñ hosh Thikāne lag jaa.eñ

naseha puchhte phirte hain sabab uljhan ka

'ishq gar KHud ye karen hosh Thikane lag jaen

maiñ tumheñ pā na sakūñ tum mujhe apnā na sako

phir yahī khel mirī jaan dubāra ho jaa.e

main tumhein pa na sakun tum mujhe apna na sako

phir yahi khel meri jaan dubara ho jae

maiñ tahayya kar ke baiThā thā ki duniyā chhoḌ duuñ

koī koyal 'ain us mauqa' pe gaane aa ga.ī

main tahayya kar ke baiTha tha ki duniya chhoD dun

koi koyal 'ain us mauqa' pe gane aa gai

gar nahīñ ye 'ishq to phir aur kyā shai hai bhalā

jo pas-e-parda rahe aur qalb merā khaa.e hai

gar nahin ye 'ishq to phir aur kya shai hai bhala

jo pas-e-parda rahe aur qalb mera khae hai

jin se ḳhud aap sañbhālā nahīñ jaatā ḳhud ko

un kā dā'vā hai ki vo aa ke sañbhāleñge mujhe

jin se KHud aap sanbhaala nahin jata KHud ko

un ka da'wa hai ki wo aa ke sanbhaalenge mujhe