baḌhte baḌhte ātish-e-ruḳhsār lau dene lagī

rafta rafta kaan ke motī sharāre ho ga.e

baDhte baDhte aatish-e-ruKHsar lau dene lagi

rafta rafta kan ke moti sharare ho gae

ham kis ko dikhāte shab-e-furqat kī udāsī

sab ḳhvāb meñ the raat ko bedār hamīñ the

hum kis ko dikhate shab-e-furqat ki udasi

sab KHwab mein the raat ko bedar hamin the

maiñ baaġh meñ huuñ tālib-e-dīdār kisī kā

gul par hai nazar dhyān meñ ruḳhsār kisī kā

main bagh mein hun talib-e-didar kisi ka

gul par hai nazar dhyan mein ruKHsar kisi ka

mujh se kyā pūchhte ho daaġh haiñ dil meñ kitne

tum ko ayyām-e-judā.ī kā shumār aatā hai

mujh se kya puchhte ho dagh hain dil mein kitne

tum ko ayyam-e-judai ka shumar aata hai

shola-e-husn se thā dūd-e-dil apnā avval

aag duniyā meñ na aa.ī thī ki sozāñ ham the

shola-e-husn se tha dud-e-dil apna awwal

aag duniya mein na aai thi ki sozan hum the