ho 'mīr' kā zamāna ki maujūda vaqt ho

dillī se lakhna.ū kī hamesha Thanī rahī

ho 'mir' ka zamana ki maujuda waqt ho

dilli se lakhnau ki hamesha Thani rahi

diyā bujhāne kī fitrat badal bhī saktī hai

koī charāġh havā par dabāo to Daale

diya bujhane ki fitrat badal bhi sakti hai

koi charagh hawa par dabao to Dale

ġhamoñ par us ke kabhī e'tibār mat karnā

vo pyaaz kaaT ke aañsū nikāl letā hai

ghamon par us ke kabhi e'tibar mat karna

wo pyaz kaT ke aansu nikal leta hai

ġhazloñ ke she'r likhne se pahle hazār baar

ham dekhte haiñ aap kī tasvīr kī taraf

ghazlon ke she'r likhne se pahle hazar bar

hum dekhte hain aap ki taswir ki taraf

nishāñ kyoñ DhūñDhte ho uñgliyoñ ke

qazā aa.ī thī dastāne pahan kar

nishan kyon DhunDhte ho ungliyon ke

qaza aai thi dastane pahan kar