dekh saktā huuñ binā chashme ke maiñ

dost terī bevafā.ī saaf saaf

dekh sakta hun bina chashme ke main

dost teri bewafai saf saf

rang saare aa ga.e 'āriz pe mere

jab kahā us ne mujhe holī mubārak

rang sare aa gae 'ariz pe mere

jab kaha us ne mujhe holi mubarak

daf'atan maiñ Thiik ho saktā huuñ chārāgar mire

tū mujhe pahnā de us ke naam kā tā'vīz gar

daf'atan main Thik ho sakta hun chaaragar mere

tu mujhe pahna de us ke nam ka ta'wiz gar

jab se Tāñgī hai tirī tasvīr dil kī alganī par

yaañ tabhī se din meñ titlī baiThtī hai shab meñ jugnū

jab se Tangi hai teri taswir dil ki algani par

yan tabhi se din mein titli baiThti hai shab mein jugnu

raushnī bhī tīrgī bhī saath hai yā yuuñ kaheñ

zindagī ḳhush hai magar ḳhush bhī tavā.if kī tarah

raushni bhi tirgi bhi sath hai ya yun kahen

zindagi KHush hai magar KHush bhi tawaif ki tarah