دار پر اشعار

نشیب ہستی سے افسوس ہم ابھر نہ سکے

فراز دار سے پیغام آئے ہیں کیا کیا

میرے ہی خون میں نہلا کے شررؔ

وہ صلیبوں پہ سجا دے گا مجھے

ہر روز اک آوازہ انا الحق کا لگائیں

دیکھیں تو کہ ہے سلسلۂ دار کہاں تک

اب تو ضرورت کی اک پگڑی ہے یاروں کے کندھوں پر

ہم لوگوں کے ساتھ یہاں سے رسم صلیب و دار اٹھی

نہ جب اہل خرد نے بات مانی

تو پھر شرط صلیب و دار ٹھہری

سولیاں نصب رہیں قحط جنوں ہے بھی تو کیا

کچھ نہ کچھ اب بھی نکل آئیں گے گردن والے