amīr-e-shahr kī mid.hat na likkhī jā.egī ham se
ki jo ḳhuddār haiñ vo kār-e-darbārī nahīñ karte
amir-e-shahr ki midhat na likkhi jaegi hum se
ki jo KHuddar hain wo kar-e-darbari nahin karte
sach kā pursān-e-hāl koī nahīñ
jhuuT kī har taraf himāyat hai
sach ka pursan-e-haal koi nahin
jhuT ki har taraf himayat hai
koī tahrīk to ubhre koī halchal to ho
koī patthar kisī jānib se idhar bhī pheñko
koi tahrik to ubhre koi halchal to ho
koi patthar kisi jaanib se idhar bhi phenko
