aa.ii bahaar-e-gul hai.n magar gulsitaa.n se duur

aa.ī bahār-e-gul haiñ magar gulsitāñ se duur

yā-rab na kar kisī ko bhī tū ham-rahāñ se duur

masrūf-e-nāla bulbul-e-shaidā hai sub.h-dam

fasl-e-ḳhizāñ meñ hai vo gul-o-gulsitāñ se duur

duniyā hai bāġh-e-kohna gul-e-nau hai aadmī

gul-chīn-e-'umr aa ke kare shāḳh-e-jāñ se duur

afsos is jahāñ meñ huī rā.egāñ hayāt

afsos ye bhī hai ki huā jism jaañ se duur

so.e hue haiñ ḳhaak meñ kitne hī sīm-tan

nausha-o-shāh kitne hue gul-ruḳhāñ se duur

ġhāfil tū un ke kāsa-e-sar par na paañv rakh

jo zer-e-ḳhāk sote haiñ ab ḳhānmāñ se duur

'hāfiz' tū dil se hirs-o-havas ko nikāl de

gar vasl chāhtā hai to ho īn-o-āñ se duur

aai bahaar-e-gul hain magar gulsitan se dur

ya-rab na kar kisi ko bhi tu ham-rahan se dur

masruf-e-nala bulbul-e-shaida hai subh-dam

fasl-e-KHizan mein hai wo gul-o-gulsitan se dur

duniya hai bagh-e-kohna gul-e-nau hai aadmi

gul-chin-e-'umr aa ke kare shaKH-e-jaan se dur

afsos is jahan mein hui raegan hayat

afsos ye bhi hai ki hua jism jaan se dur

soe hue hain KHak mein kitne hi sim-tan

nausha-o-shah kitne hue gul-ruKHan se dur

ghafil tu un ke kasa-e-sar par na panw rakh

jo zer-e-KHak sote hain ab KHanman se dur

'hafiz' tu dil se hirs-o-hawas ko nikal de

gar wasl chahta hai to ho in-o-an se dur